شه‌فه‌ق نيوز/ جيمس ماتيس وه‌زير وه‌رگرى ئه‌مريكى وشدارى دا له‌و هه‌ڕه‌شه‌ ك كۆرياێ باكوور ئه‌كاده‌ له‌بان ئاشتى ناوده‌وڵه‌تى، ئه‌ويش وه‌ ئه‌وه‌گ به‌رنامه‌ێ پڕچه‌ككردن رژيم بيونغيانغ وه‌ خه‌ته‌ر فعلى و كاريگه‌ر تاريف كرد.

ماتيس له‌ لێدوانيگ ده‌سنويس وه‌رجه‌ دانيشتن گووشگرتن له‌وه‌رده‌م ليژنه‌ێ هيزه‌يل چه‌كدار له‌ ئه‌نجومه‌ن پيره‌يل ئه‌مريكى وت: كۆرياێ باكوور خه‌ته‌رناكترين هه‌ڕه‌شه‌يگ پيك ئه‌يه‌رێد ئه‌را بان ئاشتى و ئاسايش.

جى باسه‌، وه‌زير وه‌رگرى ئه‌مريكى جه‌خت له‌وه‌يش كرد ك به‌رنامه‌ێ نه‌وه‌وى ئه‌و رژيمه‌ هه‌ڕه‌شه‌يگ فعليه‌و خه‌ته‌ريگه‌ ئه‌را بان گشتلايگ و له‌ ديد ياساێ ناوده‌وڵه‌تيه‌و ناڕه‌واسه‌.