شه‌فه‌ق نيوز/ ده‌مه‌و شه‌وه‌كى ئمڕوو نرخه‌يل نه‌فت ئه‌مريكى له‌ دانيشتن و مامڵه‌يل ئاسيايى روێ له‌ به‌رزه‌وبوين كرد وه‌ زياتر له‌ 18%، ئه‌ويش دوياى داوه‌زين فريه‌يگ له‌ سه‌ره‌تاى ئى هه‌فته‌و ئه‌را كه‌متر له‌ 40 دۆلار له‌ژير سفر ئه‌را هه‌ر به‌رميليگى.

له‌ سه‌ره‌تاى دانيشتنه‌گه‌ نرخ نه‌فت خام خوه‌رئاواى تكساس وه‌ ريژه‌ى 18،93% به‌رزه‌و بوێ و هه‌ر به‌رميليگى ره‌سيه‌ 13،76 دۆلار، يه‌يش له‌ دوياى زه‌ره‌ده‌يل فريه‌يگ له‌ ئيواره‌ى سێشه‌ممه‌ له‌ نيويۆرك.

نرخ نه‌فت خام برينت وه‌ ئاجل داوه‌زى و هه‌ر به‌رميليگى ره‌سيه‌ ژير 16 دۆلار، ك يه‌يش ئه‌را يه‌كه‌مجاره‌ له‌ساڵ 1999 تائيسه‌ وه‌ى جووره‌ نرخه‌گه‌ى روێ له‌ داوه‌زين بكا، يه‌يش له‌وه‌خيگه‌ له‌سه‌عات 7:34 وه‌ وه‌خت مۆسكۆ نرخه‌يلى داوه‌زى وه‌تايبه‌ت نرخ برينت ده‌رياى باكوور وه‌ريژه‌ى 12،62% و هه‌ر به‌رميليگى ره‌سيه‌ 16،89 دۆلار.