هاوپه‌يمان ناوده‌وڵه‌تى: ئه‌سه‌د رێ وه جموجويل داعش ئه‌ياد
شه‌فه‌ق نيوز/ هاوپه‌يمان ناوده‌وڵه‌تى وه سه‌رۆكايه‌تى وڵاته‌يل يه‌كگرتگ له سوريا و عراق، تومه‌تبار به‌شار ئه‌سه‌د سه‌رۆك سورى كرد وه ڕيداين وه چه‌كداره‌يل ريكخرياگ داعش ئه‌را جموجويل له ناوچه‌يل ژير ده‌سڵاتى وه‌بى سزاداينيان.
له‌ى باوه‌ته‌و، فرانس پرێس له زووان جه‌نراڵ فيليكس غيدنى وت: چه‌كداره‌يل ريكخرياگ داعش وه‌بى سزاداين جموجويل ئه‌كه‌ن له‌ناو ئه‌و خاكه‌يل سوريه ك هانه ژير ده‌سڵات رژيمه‌گه‌و يه‌يش ماناى ئه‌وه‌سه ك ئه‌و رژيمه ناخوازێد يا تواناى راوناين ئه‌و چه‌كداره‌يله نه‌يرێد له چوارچێوه‌ى مه‌رزه‌يلێ.
غيدنى يه‌يش ده‌رخست ك هاوپه‌يمان ناوده‌وڵه‌تى ئاشكراى يه‌يش كردگه ك شماره‌يگ له چه‌ككداره‌يل داعش له‌وانه‌گ له رقه قاو دريان جيواز بوينه ئه‌را خوه‌رئاواى سورياو رزه‌يليان يه‌كه‌و خستنه له شيوه‌ێ شانه‌يل بويچگ تا بتويه‌نن خوه‌يان له چه‌وديرێ قورتار بكه‌ن.
