واشنتۆن باس له دوسيه‌ى قه‌يه‌غه‌كردن 14 ده‌وڵه‌ت تر كرد
شه‌فه‌ق نيوز/ جۆن كيلى وه‌زير ئاسايش ناوخوه‌يى ئه‌مريكى وت: نزيكه‌ى 14 ده‌وڵه‌ت تر هه‌ن جى گومانن له مه‌سه‌له‌ى لايه‌نگيرى و ئنتما ئه‌را جه‌ماعه‌ته‌يل ئسلامى، وه‌لێ له هه‌مان وه‌خت ته‌ئكيديش نه‌وى له تواناى فراوانبوين ليست قه‌يه‌غه‌كردن ئه‌و ده‌وڵه‌ته‌يله ك له‌ى دوياخره ماڵ چه‌رمگ ئاشكراى كرد و ناو عراق له‌تى كوشانه‌و.
كيلى له ديمانه‌يگ وه‌ل CNN ك باس له‌ى مه‌سه‌له كرد، ناو ئه‌و ده‌وڵه‌ته‌يله ئاشكرا نه‌كرد و ته‌نيا ئه‌وه ده‌رخست ك 13 يا 14 ده‌وڵه‌ت تر ئه‌خريه‌نه وه‌ر دقه‌ت و شيه‌وكردن.
جى باسه، وه‌زير ئه‌مريكى هه‌ميش وت: ئه‌و 13 يا 14 ده‌وڵه‌ته گشتيان ئسلامى نين و گيشتنيانيش جوور يه‌ك له خوه‌رهه‌لات ناوين نيين، وه‌لێ گومان ديريم له‌باره‌ى متمانه‌مان وه توانايان له په‌يجورى و ئاشكراكردن ترۆريسته‌يل و له حاڵه‌تيگ ئه‌گه‌ر تواناى بته‌وكردن ئه‌و توانايه‌يله نه‌ياشتويم، ئه‌وه هاووڵاتيه‌يل ئه‌و ده‌وڵه‌ته‌يليشه قه‌يه‌غه‌ى هاتن ئه‌را ناو خاكه‌يلمان ئه‌كريه‌ن.
