وه‌رپرسيگ ئيرانى وه ڤايرۆس كۆرۆنا تويشهات
2020-02-22 09:16:35
شه‌فه‌ق نيوز/ هووكاره‌يل ره‌سانن عه‌ره‌بى، ئاشكراى تويشهاتن وه‌رپرسيگ ئيرانى وه ڤايرۆس كۆرۆناى كوشنده كرد ئه‌ويش دوياى چه‌ن سه‌عاتيگ له‌شوون ئه‌وه‌گ ده‌سڵاته‌يل ئيرانى ئاشكراى بڵاوبوينه‌وه‌ى ئه‌و ڤايرۆسه كردن له سه‌رانسه‌ر وڵاته‌گه.
له‌ى باوه‌ته‌و، ئاژانس روێته‌رز له زووان ته‌له‌فزيۆن ئيرانى وت: وه‌رپرسيگ ئيرانى تويش ڤايرۆس كۆرۆناى تازه هاتگه و وه ئه‌وه‌يش شماره‌ى تويشهاتگه‌يل ره‌سيه‌سه 19 كه‌س ئيرانى و 4 له‌ليان گيان له‌ده‌سداگه.
جى باسه، زويتريش قسه‌گه‌ر وه‌ناو وه‌زاره‌ت ته‌ندروسى ئيرانى، وت: ئيران جه‌خت له 13 حاڵه‌ت تويشهاتن تازه‌ى ڤايرۆس كۆرۆنا كردگه وه‌ل دو حاڵه‌ت مردن، ك وه‌يه‌يش شماره‌ى حاڵه‌ته‌يل مردن وه‌و ڤايرۆسه ره‌سيه‌سه 4 كه‌س له‌ئه‌نجام تويشهاتن 18 كه‌س.
