وه‌رپرسيگ له نه‌ته‌وه‌يل يه‌كگرتگ باس خراوترين قه‌يران ئنسانى له جه‌هان كرد
2017-03-11 07:32:00
شه‌فه‌ق نيوز/ وه‌رپرس گه‌ورايگ له نه‌ته‌وه‌يل يه‌كگرتگ ئاگادارى ئه‌وه دا ك جه‌هان تويش گه‌وراترين قه‌يران هاتگه له كووتايى جه‌نگ جه‌هانى دويه‌م تائيسه‌و ئاماژه وه ورسگى فيشتر له 20 مليۆن كه‌س كرد ك هه‌وه‌جه وه خوه‌راك ديرن له چه‌ن وڵاتيگ.
له‌ى باوه‌ته‌و، ستيفم ئۆبراين ده‌سميه‌تده‌ر ئه‌ميندار گشتى نه‌ته‌وه‌يل يه‌كگرتگ له كاروبار ئنسانى وت: ورسگى گيانه‌يل فيشتريگ له‌ناو ئه‌ياد له حاڵه‌تيگ ئه‌گه‌ر هويچ هاوكارى و ريككه‌فتنيگ نه‌دێ له‌ناونى هه‌وڵه‌يل جه‌هانى.
ئۆبراين داوايش له ئه‌نجومه‌ن ئاسايش كرد دارايى خاسيگ وه‌شيوه‌يگ گورجيگ ئه‌را يه‌مه‌ن و باشوور سۆماڵ و باكوور نه‌يجريا ته‌رخان بكريه‌ێد وه‌ل په‌ياكردن ده‌روازه‌يگ ئه‌را ده‌سميه‌ته‌يل ئنسانى وه‌خاتر كه‌مه‌وكردن ئى حاڵه‌ته‌يله.
