يه‌كه‌م سه‌رباز ئه‌مريكى وه كۆرۆنا تويشهات و شماره‌ى حاڵه‌ته‌يل مردنيش له وڵاته‌گه به‌رزه
2020-03-16 08:24:27
شه‌فه‌ق نيوز/ هيز ده‌رياوانى ئه‌مريكى، باس له‌وه كرد ده‌رياوانيگ له‌بان كه‌شتييگ جه‌نگى تويش ڤايرۆس كۆرۆناى تازه "كوفيد-19"هاتگه‌و وڵاته‌يل يه‌كگرتگ ئه‌مريكايش ئاشكراى به‌رزه‌وبوين شماره‌ى حاڵه‌ته‌يل مردن كرد له ئه‌نجام ئى ڤايرۆسه ئه‌را 66 حاڵه‌ت.
هيز ده‌رياوانى ئه‌مريكى له به‌ياننامه‌يگ ئاشكراى ئه‌وه كرد ئى ده‌رياوان تويشهاتگه وه ڤايرۆس كۆرۆنا خرياسه كه‌ره‌نتينه له ماڵه‌گه‌ى خوه‌ى و ئه‌و كه‌سه‌يليشه ك وه‌ليا تيكه‌ڵ بوينه كه‌ره‌نتينه كريانه له ماڵه‌يل خوه‌يان.
جى باسه، يه‌يش له‌وه‌ختيگه ده‌سڵاته‌يل ته‌ندروستى له وڵاته‌يل يه‌كگرتگ باس له به‌رزه‌وبوين حاڵه‌ته‌يل مردن وه‌و ڤايرۆسه كردن ئه‌را 66 حاڵه‌ت.
