پاسه‌وان شوورش ئيرانى هه‌ڕه‌شه له بنگه‌يل ئه‌مريكى ئه‌كا
2017-07-19 15:59:00
شه‌فه‌ق نيوز/ محه‌مه‌د عه‌لى جه‌عفه‌رى سه‌ركرده‌ێ پاسه‌وان شووڕش ئيرانى، وشدارێ دا وڵاته‌يل يه‌كگرتگ له نزيكه‌وبوين له بنگه‌يلێ له‌ناو خاكه‌يل ئيرانى، ئه‌ويش له هه‌ڕه‌شه‌يگ ئه‌را واشنتۆن دوياێ چه‌سپانن سزايه‌يل تازه‌يگ له‌بان ته‌هران.
ئاژانس ته‌سنيم ئيرانى له زووان جه‌عفه‌رى وت: بايه‌سه له‌بان وڵاته‌يل يه‌كگرتگ بنگه‌يلێ وه مه‌سافه‌ێ هه‌زار كيلۆ مه‌تر له ئيران دوير بخه‌ێد ئه‌گه‌ر ئه‌و سزايه‌يله له‌بانى چه‌سپانگه.
جى باسه، جه‌عفه‌رى هه‌ميش وت: ئه‌گه‌ر وڵاته‌يل يه‌كگرتگ بخوازێد وه‌رده‌وامێ بيه‌ێده سزايه‌يلى دژ هيزه‌يل وه‌رگرێ ئيرانى و پاسه‌وان شووڕش، بايه‌سه بنگه‌يلێ وه نزيكه‌ێ هه‌زار كيلۆ مه‌تر له ده‌ورگرد ئيران دويره‌و بخه‌ێد.
