پاپاى ڤاتيكان دوياى نه‌خوه‌شبوينى چالاكيه‌يل فه‌رميى هه‌ڵوه‌شنێده‌و
2020-03-01 07:12:55
شه‌فه‌ق نيوز/ پاپى ڤاتيكان بڕيگ له چالاكيه‌يل فه‌رميى دوياى نه‌خوه‌شبوينى هه‌ڵوه‌شانه‌و، ك يه‌يش يه‌كه‌مجاره له ژيانى وه‌ى ريككه‌فته وه‌ل په‌ڕاننه‌وه‌ى شماره‌يگ له‌و كه‌سه‌يله له‌ئه‌نجام ڤايرۆس كۆرۆنا گيان له‌ده‌سدانه له ئيتاڵيا ك ره‌سيه‌سه 29 كه‌س.
وه‌گووره‌ى راپۆرتيگ رووژنامه‌ى "ده‌يلى مه‌يل" ئى پياو 83 ساڵانه، ك زويتر به‌شيگ له سويه‌ێ له‌ده‌سداگه وه‌بوونه‌ى نه‌خوه‌شى ته‌نگه‌نه‌فه‌سى، تائيسه ئيچنه شيوه‌يگ چالاكيه‌يل فه‌رميى هه‌ڵنه‌وه‌شانه‌سه‌و له ژيانى.
نوسينگه‌ى ره‌سانن ڤاتيكان، وت: پاپا وه‌رده‌وامه له كاره‌يلى له باره‌گا‌ى نيشته‌جيبوينى له ئوتێل سانتا مارتا و پيشوازى له مه‌ردم ئه‌كا وه شيوه‌ى تاك، له‌وه‌ختيگ ك ڤاتيكان ئاشكراى نه‌خوه‌شيه‌گه‌ى پاپا نه‌كردگه‌و ته‌نيا وت: نه‌خوه‌شييگ ئاساييه.
