شه‌فه‌ق نيوز/ مايك په‌مپيۆ وه‌زير خارجيه‌ى ئه‌مريكى باس له‌وه‌ كرد ك وڵاته‌گه‌ى داواى ئاگاداركردنه‌وه‌ ئه‌كا له‌و كرده‌و زانياريه‌يله‌ ك به‌ڵگه‌ن له‌باره‌ى ده‌سديريژيكردن له‌بان خوه‌ينيشانده‌ره‌يل له‌لايه‌ن ده‌سڵاته‌يله‌وه‌و قه‌وڵ ئه‌وه‌يشدا سزاى ئه‌و كه‌سه‌يله‌ بدريه‌ێد ك ده‌سدريژى ئه‌كه‌ن.

په‌مپيۆ له‌ لاپه‌ڕه‌ى خوه‌ى له‌ تويته‌ر وه‌ فارسى و ئنگليزى نويساگه‌: داوا له‌ خوه‌ينيشانده‌ره‌يل ئيرانى كردمه‌ ئه‌و شريت ڤيديۆيى و ره‌سمه‌يل و زانياريه‌يله‌ ئه‌رامان ره‌وانه‌ بكه‌ن ك به‌ڵگه‌ن له‌باره‌ى ئه‌وه‌گ رژيم ده‌سديريژى ئه‌كاده‌ بان خوه‌ينيشانده‌ره‌يل و وت: وڵاته‌يل يه‌كگرتگ ئه‌و دسدريژيه‌يله‌ بڵاو ئه‌كاو سزاى ئه‌نجامده‌ره‌يلى ئه‌ياد.

جى باسه‌، زويتريش دۆناڵد تره‌مپ سه‌رۆك ئه‌مريكا حكومه‌ت ئيرانى وه‌ بڕين ئه‌نته‌رنێت تومه‌تبار كرد ئه‌را په‌رده‌پووشكردن كاره‌يل ده‌سدريژيكردن و كوشتن خوه‌ينيشانده‌ره‌يل له‌ ئه‌نجام شه‌پۆليگ له‌ خوه‌ينيشانداينه‌يل ك روێ له‌ ئيران كرد له‌ ماوه‌ى رووژه‌يل گوزه‌يشت.