شه‌فه‌ق نيوز/ سه‌ركرده‌ى پۆليس باس له‌وه‌ كرد چه‌كداريگ له‌ناو بازاڕيگ مه‌ردمى له‌ شار هيوستۆن له‌ ولايه‌ت تكساس ئه‌مريكى ته‌قه‌ له‌ مه‌ردم كردگه‌و هه‌فت كه‌س زه‌خمدار كرد و كه‌سيگ تر گومانليكرياێ ده‌سگير كرياگه‌.

له‌ى باوه‌ته‌و، ئايد گوانزاليز سه‌ركره‌ى پۆليس ناوچه‌ى هاريس له‌ بان ماڵپه‌ڕ تويته‌ر وت: هويچكام له‌و زه‌خمداره‌يله‌ زه‌خمه‌يليان سه‌خت نيه‌.

سه‌ركره‌ى پۆليس ناوچه‌ى هاريس هه‌ميش وت: بڕيگ له‌و زخمداره‌يله‌ له‌ئه‌نجام ئه‌و ته‌قه‌كردنه‌ بويه‌و هه‌ر وه‌و خاتريشه‌ كه‌سيگ له‌و شوونه‌ ك ته‌قه‌ كرياگه‌ ده‌سگير كردنه‌.