خه‌ڵه‌ف له‌باسيگ ئه‌را(شه‌فه‌ق نيوز)وت: ئه‌و راپۆرته‌ ك سه‌رۆك ليژنه‌ی رميان موسڵ پيشكه‌شی كرده‌سه‌ په‌رله‌مان نادقه‌ته‌و ئامانج له‌لی زه‌فه‌رهاوردنه‌ له‌ ده‌وڵه‌ت ياسا وه‌تايبه‌ت ئه‌و گشت لايه‌نه‌يله‌ ك گشتيان چينه‌سه‌ ليژنه‌ی په‌يجووريه‌گه‌ی باس له‌وه‌ نه‌كردنه‌ ك سه‌ركرده‌ی گشتی هيزه‌يل چه‌كدار فه‌رمان خوه‌يكيشانه‌وه‌ داگه‌ ته‌نيا هه‌ر سه‌رۆك ليژنه‌ مكوڕه‌ له‌بان داناين ناو مالكی ك گوايا هووكار رميان موسڵ بويه‌.

سه‌رۆك فراكسيۆن ده‌عوه‌ هه‌ميش وت: ئيمه‌ وه‌ ته‌مامی ئی راپۆرته‌ ره‌ته‌و ئه‌كه‌يم ك له‌ حاكم زاملی سه‌رۆك ليژنه‌گه‌و پيشكه‌ش كرياسه‌ په‌رله‌مان ك ئامانج له‌لی شكه‌ست سياسيه‌و هه‌ر وه‌و خاتريشه‌ بايه‌سه‌ سه‌رۆك ئی ليژنه‌ ئاڵشت بكريه‌ێد چوينكه‌ وه‌ شيوازيگ ديكتاتۆری ره‌فتار ئه‌كاو ڕای ئه‌ندامه‌يل ليژنه‌گه‌ وه‌رناگرێد.