ئاڵشتكاريه‌يل حكومه‌ت كازمى دو وه‌ڕيه‌وبه‌ر تر گرته‌وه
2020-05-16 20:01:16
شه‌فه‌ق نيوز/ حكومه‌ت تازه‌ى عراقى وه سه‌رۆكايه‌تى مسته‌فا كازمى، دو وه‌ڕيه‌وبه‌ر تر تازه دامه‌زرانن ئه‌را هه‌ردوگ كومپانياى هێڵه‌يل و كه‌شتيوانى ئاسمانى.
له‌ى باوه‌ته‌و، سه‌رچه‌وه‌يگ ئاگادار ئه‌را ئاژانس شه‌فه‌ق نيوز و: وه‌گووره‌ى فه‌رمانه‌يل وه‌زارى، زولفه‌قار عه‌بدولحسێن وه وه‌ڕيه‌وبه‌ر كۆمپانياى هێڵه‌يل ئاسمانى عراقى وه وه‌كاله‌ت له شوون كابتن كفاح حه‌سه‌ن جه‌بار دامه‌زرياگه ك پۆسته‌گه داشتگه.
سه‌رچه‌وه‌گه وت: كابتن كفاح حه‌سه‌ن جه‌بار وه وه‌ڕيه‌وبه‌ر گشتى كۆمپانياى كه‌شتيوانى ئاسمانى دامه‌زرياگه له‌شوون ياريده‌ده‌ر وه‌ڕيه‌وبه‌ر گشتى كۆمپانياگه ك وه وه‌كاله‌ت ئداره‌ى كردياد.
