شەفەق نیوز/ هاوپەیمان فەتح وەسەرپەرشتی هادی عامری، ئمڕوو شەممە، ئاشکراکرد لە راسی بڕیارەگە وە چگن وەرەو پەسەن کردن ئۆپۆزسیۆن سیایسی فەرمی ئەرا حکومەت عراقی، وە سەرۆکایەتی موستەفا کازمی.
عودەی شەعلان نوێنەر هاوپەیمانەگە ئەرا ئاژانس شەفەق نیوز وت: ئەو خەوەرەیلە باس رێککەفتنیگ و کۆبونەوەیگ لە هاوپەیمان فەتح کەێد، وە چگن وەرەو ئۆپۆسزیۆن سیاسی فەرمی ئەرا حکومەت عراقی، وورد نیە و راسی نەیرێد. ودیاری کرد؛ تا ئی مەوقە ئیجوور بڕیاریگ نیە، و هیمان هایمنە قۆناغ چەودیریکردن کردار حکومەت، و راسگوی لایەنە حکومەتیەگان لە جیوەجیکردن بەڕنامە حکومەتیەگە، وەبی بردن هیچ بڕیاریگ یا باسکردنیگ ئەرا ئۆپۆسزیۆنی یا نە.
خەوەرەیلیگ باسکریا لە کۆبونەوەی هاوپەیمان فەتح لە ماڵ عامری، و لە ناوی رێککەفتن ئەرا پەسەنکردن بوونه‌ ئۆپۆزسیۆن سیاسی حکومەت موستەفا کازمی، لەوەر کارنەکردن کازمی وەل باوەت ڤایڕۆس کۆرۆنا، و باوەت هێزەیل ئەمریکی و تورکی، ئەویش دویای چەن رووژیگ لە داواکاری فەرمی لەلایەن فەتح ئەرا میوان کردن سەرۆک وەزیران لە پەرلەمان عراقی.