ئه‌من عراقى چه‌ته‌يليگ ده‌سگير كرد يه‌ك مليۆن دۆلار ئه‌مريكى له به‌غدا دزينه
2020-05-13 18:05:16
شه‌فه‌ق نيوز/ وه‌ڕيه‌وبه‌رايه‌تى دژه تاوان به‌غدا، ئاشكراى ده‌سگيركردن چه‌ته‌يليگ كرد له ناوچه‌ى مه‌نسور له به‌غداى پايته‌خت ك يه‌ك مليۆن دۆلار ئه‌مريكى دزينه.
وه‌ريه‌وبه‌رايه‌تيه‌گه له به‌ياننامه‌يگ ئه‌را ئاژانس شه‌فه‌ق نيوز وت: هيزيگ له نويسينگه‌ى مه‌نسور له وه‌ڕيه‌وبه‌رايه‌تى دژه تاوان به‌غداى سه‌ر وه وه‌زاره‌ت ناوخوه‌يى ئه‌را كاروبار پۆليس، تويه‌نستنه چه‌ته‌يليگ ده‌سگير بكه‌ن ك پيكهاتنه له سێ كه‌س وه تومه‌ت دزيكردن ئه‌و بڕه پويله.
باس له‌وه‌يش كرد ئه‌و هيزه قاسه‌يگ ئاسنين له‌و چه‌ته‌يله گرتنه ك له‌يه‌كيگ له كۆمپانيايه‌يل بازرگانى له ناوچه‌ى مه‌نسور له به‌غدا دزينه‌سه‌ى و وه‌لاى كه‌مه‌و يه‌ك مليۆن دۆلار ئه‌مريكى له‌تى بويه وه‌ل بڕيگ ته‌ڵا و ده‌مانچه‌يگ.
