ئيران:: عراق له‌باره‌ى رويداگه‌يل نه‌جه‌ف عوزرخوازى له‌ليمان كردگه
2019-11-28 17:05:58
شه‌فه‌ق نيوز/ ته‌هران ئاشكراى ئه‌وه كرد محه‌مه‌د عه‌لى حه‌كيم وه‌زير خارجيه‌ى عراقى، په‌يوه‌ندى كرده‌سه محه‌مه‌د جه‌واد زه‌ريف هاوتا ئيرانيه‌گه‌ى ئه‌را پيشكه‌شكردن عوزرخوازى عراق له‌باره‌ى ئه‌و په‌لاماره ك كونسوڵخانه‌ى ئيران گرته ئامانج له نه‌جه‌ف.
خارجيه‌ى ئيرانى له به‌ياننامه‌يگ وت: حه‌كيم په‌يوه‌ندى كرده‌سه زه‌ريف دوياى ئه‌و په‌لاماره ك ئه‌نجام دريا ئه‌را بان كونسوڵخانه‌ى ئيرانى له نه‌جه‌ف و سزنريا له‌وه‌ر پيشكه‌شكردن عوزرخوازى له‌بان ئه‌و كرده‌وه ك خراوه‌كاره‌يل ئه‌نجامى دانه.
وه‌زاره‌ته‌گه هه‌ميش وت: حه‌كيم قه‌وڵ وه زه‌ريف داگه حكومه‌ت عراقى مقه‌يه‌تى له دبلۆماتكاره‌يل ئيرانى و شوونه‌يل دبلۆماسى ئيرانى ئه‌كا له عراق.
