وزاره‌ت ناوبرياگ له‌ به‌ياننامه‌يگ ئه‌را(شه‌فه‌ق نيوز)ئه‌وه‌ ده‌رخست ك 438 پارچه‌ شوونه‌وار له‌ باڵوێزخانه‌ى ئه‌مريكى له‌ به‌غدا وه‌رگرتگه‌ ك زويتر هيزه‌يل ئه‌مريكى له‌ په‌لاماريگ ئه‌را بان يه‌كيگ له‌ بنگه‌يل چه‌ته‌يل داعش كه‌فته‌سه‌ ده‌سيان.

جى باسه‌، وزاره‌ته‌گه‌ نمايشيگ تايبه‌ت ئه‌را ئه‌و پارچه‌ شوونه‌واره‌يل مێژووييه‌ ك هاوريانه‌و له‌ باڵه‌خانه‌ى مووزه‌خانه‌ى عراقى له‌ناوڕاس به‌غدا ساز كرد له‌شوون وه‌رگرتنى وه‌ ئاماده‌بوين عادل فه‌هه‌د ئه‌لشرشاب وه‌زير گه‌شتوگوزار و ستيورت جون باڵوێز ئه‌مريكا له‌ به‌غدا.