باڵيۆزخانه‌ى كوه‌يت له به‌غدا له‌باره‌ى گه‌شتكردن وشدارى دا هاووڵاتيه‌يلى
2019-10-25 17:38:53
شه‌فه‌ق نيوز/ باڵيۆزخانه‌ى كوه‌يتى له عراق، داوا له هاووڵاتيه‌يل گوه‌يتى كرد گه‌سته‌يليان وه‌ره‌و عراق دويا بخه‌ن و له هه‌مان وه‌خت وشدارييش دا هاووڵاتيه‌يلى له عراق ك ده‌ربچن و دويره‌و بكه‌فن له‌و شوونه‌يله ك خوه‌ينيشانداين له‌تيان ئه‌كريه‌ێد.
له‌و باوه‌ته‌و، سالم زه‌مانان باڵيۆز كوه‌ييتى له به‌غدا له به‌ياننامه‌يگ داوا له هاووڵاتيه‌يل كوه‌يتى كرد ك نياز گه‌شت وه‌ره‌و عراق ديرن گه‌شته‌يليان دويا بخه‌ن و له حاڵ حازر گه‌شت نه‌كه‌ن له‌وه‌ر خوه‌ينيشانداينه‌يل ك زوورم شاره‌يل عراق گرته‌سه‌و.
زه‌مانان داوايش له‌و هاووڵاتيه‌يل كوه‌يتيه كرد ك وجوود ديرن له عراق هه‌وڵ ئه‌وه بيه‌ن له عراق ده‌ربچن و هووشدار بوون و دويره‌و بكه‌فن له‌و شوونه‌يله خوه‌ينيشانداين له‌تيان ئه‌نجام ئه‌گرێد و جيوه‌جى رينمايه‌يل ده‌سڵاته‌يل ناوچه‌يى بكه‌ن.
