به‌رهه‌م ساڵح قسه له‌باره‌ى هه‌رێم كوردستان ئه‌كاو داوايش كرد عراق له ئۆرپاوه ياێ بگرێد
شه‌فه‌ق نيوز/ به‌رهه‌م ساڵح سه‌رۆك كۆمار عراق وت: ملله‌ت كوردستان ته‌ماشاى حوكميگ خاس و دادگه‌رييگ كۆمه‌ڵايه‌تى ئه‌كا، وه‌ل ئه‌وه‌يشا جه‌خت له‌وه كرد ك وڵاته‌گه‌ى هه‌ر جه‌نگيگ له ناوچه‌گه ره‌ته‌و ئه‌كاو داوايش له لايه‌ن سياسى كرد وه‌گشت پيكهاته‌يلى نه‌ف له ئه‌زموون ئۆرپا وه‌ربگرن.
ساڵح له گفتگوويگ وه‌ل رووژنامه‌ى ئيلاف ئه‌لكترۆنى وت: ئه‌زموون كوردستان فريه گرنگه له‌ڕوێ ئاوه‌دانكردن و په‌ره‌سه‌ندن و وه‌به‌رهاوردن، كوردستان وه ته‌واوى ويران كرياوێد له‌لايه‌ن رژيم وه‌رينه‌و ك زياتر له 4500 ئاوايى ويران كرياوێد وه‌ل شاره‌يل فريه‌يگ، وه‌لێ ئه‌گه‌ر ئيسه بايده هه‌ولێر و سلێمانى و دهۆك جموجويل بنياتناين و ئاوه‌دانكردنه‌وه‌و پيشكه‌فتن فريه‌يگ دوينێد.
جى باسه، ساڵح هه‌ميش وت: وه‌ل ئه‌وه‌يشا له كوردستان كيشه‌يل سياسييش هه‌س، مه‌ردم داواى حوكميگ خاس و دادگه‌رێ كۆمه‌ڵايه‌تى ئه‌كه‌ن، ك يه‌يش حاڵ فريه‌يگه له ناوچه‌يل وڵات و ده‌وڵه‌ته‌يل ناوچه‌گه‌مان، ك بايه‌سه له قه‌واره‌ى ئه‌و پيشكه‌فتنه ك ئه‌نجام درياگه كه‌مه‌و نه‌كه‌يم، وه‌لێ له هه‌مان وه‌خت ملله‌ت و هاووڵاتيه‌يلمان فريه خاسترن له‌چه‌و ئه‌وساو ئى قسه‌يلميشه له‌بان كوردستان ئويشمه‌ى جوور ئه‌وه‌گ له‌بان باقى ناوچه‌يل تر عراق باسى ئه‌كه‌م، ته‌نانه‌ت ئه‌گه‌ر راسه‌وخۆ پرسيار له سه‌ركردايه‌تيه‌يل په‌يوه‌نديدار سياسى كورديش بكه‌ێد له مه‌سه‌له‌گه باس له وجوود كيشه له بارودوخ سياسه ئه‌كه‌ن، وه‌لێ ئه‌و كيشه‌يله ده‌سنيشانه‌و چه‌وه‌ڕێ چه‌وديرى و چاره‌سه‌ر و پته‌وكردن ئه‌زموون ديموكراسيه.
