به‌ياننامه‌ى كۆنگره‌ى ئسلامى پشتگيرى ته‌واويگ ئاراسته‌ێ عراق ئه‌كا
2019-06-01 09:14:40
شه‌فه‌ق نيوز/ به‌ياننامه‌ى كووتايى كۆنگره‌ى ئسلامى ك سازكريا له شار مه‌ككه‌ى پيرووز، ئاشكراى پشتگيرى ته‌واويگ حكومه‌ت عراقى كرد له هه‌وڵه‌يلى ئه‌را له‌ناوبردن تيرۆر.
به‌ياننامه‌گه له يه‌كيگ له خاڵه‌يلى وت: كۆنگره‌گه پشتگيرى ته‌واويگ ئه‌را حكومه‌ت عراقى ده‌رئه‌خا له هه‌وڵه‌يلى له ناوبردن تيرۆر و ئه‌و سه‌ركه‌فتنه ك له‌ى باوه‌ته‌و وه‌ده‌سهاورد به‌رز نرخنێد ك له‌تى شاره‌يل عراقى له‌ژير ده‌سڵات ريكخرياگ تيرۆريستى داعش ئازاد كريان.
به‌ياننامه‌گه جه‌ختيش له‌بان يه‌كگرتگى عراق و سه‌ڵامه‌تى خاكه‌يلى كرد و هه‌وڵ حكومه‌تيش عراقييش له هاوردنه‌وه‌ى ئاواره‌يل ئه‌را شوون و ناوچه‌يليان و دوباره ئاوه‌دانكردنه‌وه‌ى ناوچه‌يل ئازادكرياێ به‌رز نرخان و يه‌يش ده‌رخست ك رۆڵ عراق له دژايه‌تى تيرۆر ئاشتى و سه‌قامگيريه له ناوچه‌گه.
