تره‌مپ: سلێمانى دڕنده بوى و هه‌زاران سه‌رباز ئه‌مريكى له عراق كوشتگه
2020-02-05 06:55:04
شه‌فه‌ق نيوز/ دۆناڵد تره‌مپ سه‌رۆك ئه‌مريكا، وت: قاسم سلێمانى جه‌نراڵ ديار ئيرانى جه‌زاريگ بوێ ك رژيم ئيرانى له ته‌هران ده‌سنيشانيكرد ئه‌را كوشتن بيتاوانه‌يل و هه‌ر وه‌و خاتريشه فه‌رمانه‌يلم ئاشكرا بوێ ئه‌را كوشتنى.
تره‌مپ له وتاريگى له‌وه‌رده‌م كۆنگرس ئه‌مريكى، وت: قاسم سلێمانى جه‌نراڵ ئيرانى گه‌وراترين تيرۆريست بوێ له جه‌هان و قاتڵترين كه‌سيگ بوێ.
سه‌رۆك ئه‌مريكا وه‌و جووريشه تاريف سلێمانى كرد ك دڕنده بويه‌و هه‌زاران كه‌س له هيزه‌يل ئه‌مريكا له عراق كوشتگه‌و زه‌خمدار كردگه‌و پلانيش داناوێد ئه‌را په‌لاماره‌يل تر تازه‌و ژن و مناڵ و پياوه‌يل فريه‌يگيش كوشتگه‌و هه‌ر وه‌و خاتريشه فه‌رمانم ئه‌را كوشتنى ئاشكرا بويه.
