ته‌قينه‌وه‌ى گه‌ورايگ له به‌غدا روێدا
2019-12-12 08:03:50
شه‌فه‌ق نيوز/ ده‌مه‌و شه‌وه‌كى ئمڕوو شايه‌تحاڵه‌يل باس له ژنه‌فتن ده‌نگ ته‌قينه‌وه‌ى گه‌ورايگ كردن ك ناوچه‌يليگ له خوه‌رهه‌ڵات به‌غداى پايته‌خت هاورده له‌رزه.
شايه‌تحاڵه‌يل ئه‌را شه‌فه‌ق نيوز وتن: مه‌ردم ناوچه‌يل خوه‌رهه‌ڵات به‌غدا ده‌مه‌و شه‌وه‌كى زوێ ده‌نگ ئه‌و ته‌قينه‌وه له ناوچه‌يليان ژنه‌فتنه‌و چالاكوانه‌يليش له ماڵپه‌ڕ په‌يوه‌ندى كۆمه‌ڵايه‌تى وێنه‌ى ئه‌و ته‌قينه‌وه گرتنه ك دويكه‌ڵ سيه‌يگ له‌ليه‌و ده‌رچيه له يه‌كيگ له ناوچه‌يل خوه‌رهه‌ڵات به‌غداى پايته‌خت.
جى باسه، سه‌رچه‌وه‌يگيش وه‌رپرس ئه‌منى ئه‌را شه‌فه‌ق نيوز وت: ئه‌و ته‌قينه‌وه له‌ڕێ مينيگ ئه‌نجام گرتگه ك دوكانيگ شه‌راو فرووشى گرته‌سه ئامانج له‌ناوچه‌ى مه‌شته‌ل له خوه‌رهه‌ڵات به‌غداو زه‌ره‌ده‌يل فره‌يگ ماددى له‌لى كه‌فته‌سه‌و.
