حكومه‌ت عراقى له ماوه‌ى نزيكيگ 8 هه‌زار دوسيه‌ى گه‌نده‌ڵى له جه‌م 12 هه‌زار ته‌واو ئه‌كا
شه‌فه‌ق نيوز/ ئه‌نجومه‌ن باڵاى نه‌هيشتن گه‌نده‌ڵى 8 هه‌زار دوسيه‌ى گه‌نده‌ڵى ته‌واو كردگه له‌ناونى 12 هه‌زار دوسيه، يه‌يش له‌وه‌ختيگ سعه‌د حه‌ديسى قسه‌كه‌ر وه‌ناو نويسينگه‌ى ره‌سانن سه‌رۆك وه‌زيره‌يل جه‌خت له‌لى كرد و وت: نه‌بايه‌د ده‌س له روێ وه‌ڕوێ بوينه‌وه‌ى گه‌نده‌ڵى و گه‌نده‌ڵكاره‌يل هه‌ڵگريم، وه‌ل وازكردن دوسيه‌يل گه‌نده‌ڵى و له‌وه‌رگرتن رێ وشوونه‌يل دادوه‌رى و ياسايى ده‌رهه‌ق وه تومه‌تباره‌يل.
له‌و باوه‌ته‌و، رووژنامه‌ى سه‌باح له شماره‌ى ئمڕووى له زووان حه‌ديسى وت: دوياى دامه‌زرانن دادگايگ تايبه‌ت وه تاوانه‌يل گه‌نده‌ڵى، دادگا ده‌سه‌يليگ لێكۆڵينه‌وه‌ى دادوه‌رى دامه‌زرانگه له‌گشت دادگايه‌يل ئستئناف و ئه‌و ده‌سه‌يليشه حوكم ده‌سگيركردن و ئاگاداركردنه‌وه و ريگرى له گه‌شت و ده‌سوه‌سه‌رگرتن ماڵ و موڵك ده‌ركردنه وه‌ل حوكم دادوه‌رى ئه‌را زيندانيكردن ده‌رهه‌ق شماره‌يگ له وه‌رپرسه‌يل وه‌رين وئيسه.
له‌ى باوه‌تيشه‌و سه‌عيد ياسين مووسا ئه‌ندام چاودێر له ئه‌نجومه‌ن باڵاى روێ وه‌ڕوێ بونه‌وه‌ى گه‌نده‌ڵى وت: 12 هه‌زار دوسيه‌ى لێكۆلينه‌وه له‌باره‌ى گه‌نده‌ڵى هه‌ن و ريككه‌فتن كرياگه له‌باره‌ى كووتاييهاوردن وه 8 هه‌زار دوسيه له‌لايه‌ن ده‌سه‌ى ده‌سپاكى و ئه‌نجومه‌ن باڵاى دادوه‌رى و داواكارى گشتى ئه‌را ئه‌وه‌گ حوكم له‌باره‌يانه‌و ده‌ربكريه‌ێد و 4 هه‌زار دوسيه‌يش هه‌ن هيمان په‌يجوورى له‌باره‌يانه‌و وه‌رده‌وامه.
