شه‌فه‌ق نيوز/ مسته‌فا كازمى سه‌رۆك ئه‌نجومه‌ن وه‌زيره‌يل، باس له‌وه‌ كرد ك كار حكومه‌ته‌گه‌ى هه‌وه‌جه‌ وه‌ جيوه‌جيكردن سه‌ركه‌فتن ديريد له‌ى وه‌خته‌يله‌ سه‌خته‌ وه‌ل ده‌سه‌وه‌ركردن رێ وشوونه‌يل هه‌ڵوژاردنيگ له‌ساى بارودوخيگ ئارام و ته‌ندروس.

ئه‌نجومه‌ن وه‌زيره‌يل له‌ دانيشتنى ره‌زامه‌نى ده‌رخست له‌بان وه‌پيداين مووچه‌ى خانه‌نشينه‌يل و پرووژه‌ى قه‌رزكردن ناوخوه‌يى و ده‌ره‌كى ئه‌را ته‌مويلكردن و پڕه‌وكردن كه‌مى بودجه‌و جه‌ختيش له‌ خواست ته‌واوكردن ده‌نگداين كرد له‌لايه‌ن ئه‌نجومه‌ن نوێنه‌ره‌يله‌و له‌بان ياساى هه‌ڵوژاردنه‌يل تازه‌و هه‌مواركردن ياساى هه‌ڵوژاردن.

له‌ى باوه‌تيشه‌و، نويسينگه‌ى ره‌سانن سه‌رۆك ئه‌نجومه‌ن وه‌زيره‌يل له‌ به‌ياننامه‌يگ ئه‌را شه‌فه‌ق نيوز وت: ئه‌نجومه‌ن وه‌زيره‌يل يه‌كه‌م دانيشتن خوه‌ى وه‌ سه‌رۆكايه‌تى مسته‌فا كازمى سه‌رۆك ئه‌نجومه‌ن وه‌زيره‌يل ئه‌نجام داگه‌و له‌ سه‌ره‌تاى دانيشتنه‌گه‌ى پيشوازى له‌ ئه‌ندامه‌يل حكومه‌ت كردگه‌و داواى كار جددى له‌ليان كردگه‌ ئه‌را خزمه‌تكردن ملله‌ته‌گه‌يان.