حه‌شد عه‌شايرى له دياله باس ئاوايه‌يليگ كرد هيمان هانه ژير ده‌سڵات داعش
شه‌فه‌ق نيوز/ حه‌شد عه‌شايرى له پاريزگاى دياله وشدارى دا له‌باره‌ى وجوود مه‌ترسى ريكخرياگ تيرۆريستى داعش له ناوچه‌يل باكوور خوه‌رهه‌ڵات باقووبه‌و يه‌يش ده‌رخست ك وه‌رده‌وام ئه‌و ريكخرياگه له‌و ناوچه‌يله زاڵه‌و ريگره له گله‌وخواردن زياتر له 15 هه‌زار خيزان ئه‌را ئاوايه‌يل كشتوكاڵييان.
له‌ى باوه‌ته‌و، عه‌دنان لهێبى فه‌رمانده‌ى فه‌وج 5 له ليواى ندا له‌حه‌شد عه‌شايرى له دياله ئه‌را ئاژانس شه‌فه‌ق نيوز وت: ئاوايه‌يل ته‌وه‌كول، خيلانيه، عه‌ره‌ب فارس، له باكوور قه‌زاى شاره‌بان(40كم له باكوور خوه‌رهه‌ڵات باقووبه)هيمان ناسه‌قامگيره‌و له‌ناونى ماوه‌يه‌گ و ماوه‌يگ هانه ژير ده‌سڵات چه‌كداره‌يل داعش.
لهێبى هه‌ميش وت: ده‌يان چه‌كدار داعش له‌و ئاوايه‌يله وجوود ديرن و په‌لاماره‌يل تيرۆريستى جوراوجوور ئه‌نجام ئه‌يه‌ن وه چه‌ك قه‌ناس ك بويه‌سه هووكار كوشيان شماره‌ى فريه‌يگ له هاووڵاتيه‌يل مه‌ده‌نى و حه‌شد عه‌شايرى.
