شهفهق نيوز/ رهيحان حهنا ئهيوب ئهندام ئهنجومهن نوێنهرهيل سهرۆك فراكسيۆن ئهنجومهن مللى كلدانى سريانى ئاشوورى، وت: بڕيارهيل سهركردهى گشتى هيزهيل چهكدار لهبارهى كيشاننهوهى ليواى 30 له دامهزرياگهيل دهسهى حهشد شهعبى و ئاڵشتكردنى وه تيم 16 له وهزارهت وهرگرى له هامارى نهينهوا و ناوچهيل دهورگردى خواسته ئهرا ژيان ئاشتيانه.
حهنا له بهياننامهيگ ئهرا شهفهق نيوز وت: ئى بڕياره گام خاسيگه وهرهو ريڕهو دروسيگ و بايهسه لهبان گشتلايگ پابهند بوون وه فهرمانهيليگ ك لهلايهن سهرۆك وهزيرهيل دهرئهچێد وهتايبهت فهرمانهيليگ تايبهت وه ئهمن و سهقامگيرى ناوچهيل ئازادكرياێ.
جى باسه، حهنا وشدارييش دا له قهوارهى كيشهيليگ ك ئهيهنه تويش مهردم ناوچهگه له حاڵهتيگ ئهگهر حكومهت نهتويهنست دهسڵات لهو ناوچهيله وه تهواوى داشتوود، و داوايش له حكومهت كرد كار لهبان جيوهجيكردن مادهى 140 دهستوور عراقى بكاو ههڵهپهڵهيش بكا له تازهكردنهوهى پاريزگاى نهينهوا ئهرا هامارى نهينوا و ئدارهگهى وهدهس مهردمهگهيهو بدێ ئهرا كوتاييهاوردن وه كيشهيليگ ك ئهياده تويشيان.