خوه‌ينيشانده‌ره‌يل ئاگر له باره‌گاى حزبه‌يل ئسلامى وه‌ردان له باشوور عراق
2019-12-21 07:20:35
شه‌فه‌ق نيوز/ دويه‌شه‌و ديره وه‌ختيگ خوه‌ينيشانده‌ره‌يل تويڕه ئاگر له باره‌گاى حزبه‌يل ئسلامى شيعه وه‌ردان له شار ناسريه ناوه‌ند پاريزگاى زيقار له باشوور عراق.
له‌ى باوه‌ته‌و سه‌رچه‌وه‌يگ وه‌رپرس ئه‌منى ئه‌را شه‌فه‌ق نيوز وت: خوه‌ينيشانده‌ره‌يل باره‌گا حزب ده‌عوه‌ى ئسلامى وه سه‌رۆكايه‌تى نورى مالكى و ريكخرياگ به‌در وه سه‌رۆكايه‌تى هادى عامرى و باره‌گاى بزووتنه‌وه‌ى عه‌سايب ئه‌هل هه‌ق وه سه‌رۆكايه‌تى قه‌يس خه‌زعه‌لى ئه‌را دويه‌م جار سزاننه.
سه‌رچه‌وه‌گه هه‌ميش وت: خوه‌نيشانده‌ره‌يل له‌وه‌ر ده‌رخستن ناڕه‌زايه‌تى له‌بان كوشتن عه‌لى عه‌سمى چالاكوان مه‌ده‌نى له شار ناسريه ئه‌و باره‌گايه‌يله سزاننه.
