شەفەق نیوز/ ئەندام دەسەی ئابووری و وەبەرهاوردن پەڕلەمانی، ئمڕوو سێشەممە، داوای وەکارهاوردن وەبەرهێنانیگ کرد وەشیوەی یاساگان حکومەت هەرێم و شار دوبەی، ئەرا وەدەسکەفتن دەرفەتەیل کار گەورایگ، ورزگاربوین لە کێشەیل بیکاری.
پەڕلەمانتار ناهیدە داینی لە قسەیگ ئەرا ئاژانس شەفەق نیوز وت: دەسکاری یاسایل وەبەرهاوردن جوور یاسایل هەرێم کوردستان ودوبەی ١٨ مەلیۆن دەرفەت نوو ئەرا کار وەدەستیرێد، لە گشت کەرتەیل عیراق. ئاماژەش دا ک کەرتەیل تایبەت وه‌ وەبەرهاوردن هیمان وەتەواوی پەککەفتگە، وەبونی ململانەیل سیاسی، وزاڵبوین لایەنیگ چەکدار لەبان زەوی وهەڕشەی وەبەرهاورەیل.
داینی دیاری کرد ؛ ک بڕوا نیە وەبەرهاوردن لە عیراق خاسەو بوود، مەگەر وەسودوەرگردن لە ئەزمون دوبەی و کوردستان، وەگەرد مەرەقزکردن پلانەیل پەنجی و دەیی، ئەرا کیشان وەبەرهاورەیل وکۆمپانیای وەبەرهاوردن، وتیش؛ جوینکە هویچ دەوڵەتیگ لە جهان نیەتوەنێد گشت دەرچگەیل زانکۆ بگرید وەبی چالاككردن کردن کەرت تایبەت.
داینی هەمیش وت؛ کەرتەیل تایبەت خوەی داهات دویاروژە و چارەسەره‌ ئه‌را سەرکەفتن و پشتگردن ئابووری وکەمەوکردن لە چین فرەیگ لە بیاکاری، ک وەردەوام رێژەگەی زیایەوبوود، و داوا لە حکومەتەگە کرد ک لەبان پلانەیلیگ نوو وەبەرهاوردن ئەکتیڤ بکەێد، ک عیراق خاوەن دەرفەتەیل و پڕوژەیل گه‌ورایێگه‌ .