وزاره‌ت ناوبرياگ له‌ به‌ياننامه‌يگ ئه‌را(شه‌فه‌ق نيوز)ئه‌وه‌ ده‌رخست ك هۆشيار زێباری وه‌زير دارايی پيشوازی له‌ شانديگ له‌ ئه‌نبار كردگه‌ وه‌ سه‌رۆكايه‌تی سهێب ئه‌لڕاوی پاريزگار ئه‌نبار و خالد سلێمان سه‌رۆك ئه‌نجومه‌ن و محه‌مه‌د عه‌واد وه‌ڕيه‌وبه‌ر دارايی پاريزگاگه‌ كردگه‌ وه‌خاتر تاوتويكردن بار دارايی ئه‌و پاريزگا.

به‌ياننامه‌گه‌ ئاماژه‌ وه‌يه‌يش كرد ك زێباری جه‌خت له‌ پشتگيری هه‌وڵه‌يل پاريزگار ئه‌نبار كردكه‌ له‌ مه‌سه‌له‌ی ده‌سميه‌تداين كووچبه‌ره‌يل و ئازادكردن ئه‌نبار له‌ داعش و ده‌سوه‌پيكردن گشت پرووژه‌يل پاريزگاگه‌ دويای په‌سه‌نكردنی له‌لايه‌ن وزاره‌ت نه‌خشه‌كيشان.

جی باسه‌، به‌ياننامه‌گه‌ باس له‌وه‌يش كرد ك وزير دارايی عراقی فه‌رمان داگه‌ پويل نه‌ختی ئه‌را بانكه‌يل قه‌زای حه‌ديسه‌يش هه‌واڵه‌ بكريه‌يد و له‌ ٥ ملياره‌و به‌رزه‌و بكريه‌يد ئه‌را ١٥ مليار دينار عراقی.

ج . أ