شه‌فه‌ق نيوز/ ليژنه‌ى دارايى نوێنه‌رايه‌تى، ئاشكراى ئه‌وه‌ كرد پرووژه‌ى ياساى بودجه‌ ئه‌دێده‌ شه‌ش مانگ جاريگ له‌بان ئه‌و باقى مانگه‌يل ئمساڵ ك مه‌ندنه‌.

ليژنه‌ى دارايى باس له‌وه‌يش كرد ئى بوجه‌يشه‌ ئه‌را مووچه‌ى كارمه‌نده‌يل و كارت ته‌موينى و ده‌واو ده‌رمان ئه‌دێ و حكومه‌تيش بڕيگ ئاڵشتكارى له‌ پرووژه‌ى بودجه‌ى ئيسه‌ ئه‌كا تا بگونجيه‌ێد وه‌ل به‌رنامه‌ حكوميه‌گه‌.

له‌ى باوه‌تيشه‌و ئه‌حمه‌د سه‌فار بڕيارده‌ر ليژنه‌گه‌ له‌ باسيگ ئه‌را شه‌فه‌ق نيوز وت: حكومه‌ت تازه‌ وه‌ سه‌رۆكايه‌تى مسته‌فا كازمى سوود له‌و پرووژه‌ ياساى بودجه‌ وه‌رئه‌گرێد ك ئاماده‌ى كرياگه‌ له‌لايه‌ن حكومه‌ت وه‌رين وه‌ل ئه‌نجامداين بڕيگ ئاڵشتكارى.