داعش له خوه‌رهه‌ڵات دياله په‌لامار ئاواييگ داو كه‌فته جه‌نگه‌و وه‌ل هيزه‌يل ئه‌منى
2019-08-28 08:59:46
شه‌فه‌ق نيوز/ پۆليس عراقى باس له‌وه كرد چه‌كداره‌يليگ ك پيشبينى ئه‌كريه‌ێد سه‌ر وه ريكخرياگ تيرۆريستى داعش بوون، په‌لاماريگ ئه‌را بان ئاواييگ له باكوور خوه‌رهه‌ڵات پاريزگاى دياله ئه‌نجام دانه.
ئه‌و سه‌رچه‌وه له پۆليس ئاگادار شه‌فه‌ق نيوز كرد، بڕيگ له چه‌كداره‌يل داعش وه قازيفه‌ێ هاوه‌ن په‌لامار ئاواييگ له ئاوايه‌يل مه‌ياح دانه له ناحيه‌ى ئيمام وه‌يس ك ئه‌كه‌فێده دويرى 75 كم له خوه‌رهه‌ڵات دياله.
جى باسه، سه‌رچه‌وه‌گه هه‌ميش وت: مه‌ردم ئه‌و ئاوايه‌يله داوا له هيزه‌يل ئه‌منى كردنه وه‌هانايان بڕه‌سن و هه‌ر وه‌و خاتريشه جه‌نگ روێ داگه له‌ناونى چه‌كداره‌يل و هيزه‌يل ئه‌منى له‌و ناوچه.
