داعش له سێ پاريزگا په‌لامار هيزه‌يل عراقى دا
شه‌فه‌ق نيوز/ له ئه‌نجام په‌لاماره‌يليگ له‌لايه‌ن چه‌كداره‌يل سه‌ر وه ريكخرياگ تيرۆريستى داعش ئه‌را بان هيزه‌يل ئه‌منى عراقى له ناوچه‌يليگ جياجيا شماره‌يگ قوربانى له‌لى كه‌فته‌و.
له‌ى باوه‌ته‌و، سه‌رچه‌وه‌يگ ئه‌منى ئاگادار شه‌فه‌ق نيوز كرد ك ده‌مه‌و شه‌وه‌كى ئمڕوو چه‌كداره‌يليگ له ريكخرياگ داعش په‌لامار خاڵيگ سه‌ر وه حه‌شد شێخ وه‌سفى عاسى دانه له ئاوايى عه‌سرى له ناحيه‌ى تازه له باشوور كه‌ركوك و چوار قوربانى له حه‌شد كه‌فته‌سه‌و.
باس له‌وه‌يش كرد چه‌كداره‌يل داعش په‌لامار كه‌رته‌يليگ له تيم 14ى سوپاى عراقى دانه له ئاوايى قه‌ڵاى سۆران له‌ناونى ناحيه‌ى قه‌راج له‌باشوور خوه‌رهه‌ڵات موسڵ و ناحيه‌ى سه‌رگه‌ران له قه‌زاى دبس له كه‌ركوك و دو سه‌رباز له سوپاى عراقى بوينه‌سه قوربانى.
له‌لايگ تره‌و سه‌رچه‌وه‌يگ ئه‌منى ئه‌را شه‌فه‌ق نيوز وت: په‌لاماريگ داعش له دياله پويچه‌ڵه‌و كرياگه ك خاڵيگ په‌يوه‌س ئه‌منى له باكوور خوه‌رهه‌ڵات پاريزگاگه گرته‌سه ئامانج.
