داعش له كه‌ركوك په‌لامار سوپاى عراقى دا
2020-05-13 09:04:49
شه‌فه‌ق نيوز/ سه‌رچه‌وه‌يگ ئه‌منى له پاريزگاى كه‌ركوك، ئاشكراى ئه‌وه كرد چه‌كداره‌يل داعش په‌لامار خاڵيگ سوپاى عراقى دانه له قه‌زاى داقووق و له‌و په‌لاماره سه‌ربازيگ زه‌خمدار بويه.
ئه‌و سه‌رچه‌وه ك نه‌تواس ناوى ئاشكرا بدێ، ئه‌را ئاژانس شه‌فه‌ق نيوز وت: ئه‌و رويداگه له مه‌رز ئاوايى عه‌ره‌بى كۆيى سه‌ر وه قه‌زاى داقووق له باشوور كه‌ركوك بويه له‌وه‌ختيگ ك چه‌كداره‌يل داعش په‌لامار خاڵيگ سه‌ر وه فه‌وج 3 له ليواى 45 له تيم 11ى سوپاى عراقى دانه‌و له‌تى سه‌ربازيگ زه‌خمدار بويه.
سه‌رچه‌وه‌گه باس له‌وه‌يش كرد دوياى ئه‌و رويداگه چه‌كداره‌يل ريكخرياگ داعش واينه وه‌ره‌و شوونيگ ناديار و زه‌خمداره‌گه‌يش جيواز كرياگه ئه‌را نه‌خوه‌شخانه.
