داواى ياسايگ جيگر ئه‌كريه‌ێد ئه‌را ئه‌وانه‌گ دو ره‌گه‌زنامه‌يل ديرن
2015-08-13 08:56:51
مالكى له باسيگ ئه‌را(شه‌فه‌ق نيوز)وت: داواكاريه‌يليگ مه‌ردمى له‌بان ئه‌وه وجوود ديريد ك بريگ له وه‌رپرسه‌يل واز له پۆسته‌يليان يا ره‌گه‌زنامه‌ى دويه‌ميان بارن، هه‌ر له‌وه‌ر ئه‌وه‌يش په‌رله‌مان جوور نوێنه‌ره‌يل ملله‌ت بايه‌سه له‌بانى هه‌ڵه‌په‌ڵه بكا له وه‌رگرتن ڕى وشوون ئه‌را يه‌كلاكردنه‌وه‌ى ئى مه‌سه‌له.
مالكى هه‌ميش وت: داناين ياساى تازه وه‌خت فريه‌يگ ئه‌كيشێد له‌وه‌ختيگ ياساى ره‌گه‌زنامه‌ى عراقى وجوود ديرێد و باس له‌وه ئه‌كريه‌ێد ك نه‌بايه‌د هه‌ر عراقييگ ره‌گه‌زنامه‌ى تر ديرێد پۆستيگ سيادى يا ئاسايشى پايه‌به‌رز وه‌پى بدريه‌ێد ته‌نيا وه مه‌رجيگ واز له ره‌گه‌زنامه‌يگ بارێد، ك يه‌يش وه‌قسه‌ى په‌رله‌مان بايه‌سه ياسايگ جيگر ئه‌راى دابنريه‌ێد.
