ده‌سڵاته‌يل عراقى وه‌ل زيايبوين تويشبوين وه كۆرۆنا وشدارى ئه‌يه‌ن
شه‌فه‌ق نيوز/ وه‌زاره‌ت ناوخوه‌يى عراقى، جه‌خت له خواست پابه‌ندبوين وه رێ وشوونه‌يل قه‌يه‌غه‌ى هاتوچوو و نه‌شكاننى ئه‌كا له‌ساى زيايبوين شماره‌ى تويشبوين وه ڤايرۆس كۆرۆنا له وڵاته‌گه.
وه‌زاره‌ته‌گه له به‌ياننامه‌يگ ئه‌را ئاژانس شه‌فه‌ق نيوز وت: ده‌زگايه‌يل جياجياى وه‌زاره‌ته‌گه وه‌رده‌وامن له جيوه‌جيكردن رێ وشوونه‌يل قه‌يه‌غه‌ى گشتگير و داوايش له هاووڵاتيه‌يل كرد وه ته‌واوى پابه‌ند بوون وه قه‌يه‌غه و ده‌رنه‌چنه ناو جاده و بازاڕه‌يل مه‌گه‌ر ئه‌را كاريگ فريه هه‌وه‌جه نه‌ود.
به‌ياننامه‌گه داوايش له‌وانه كرد ك ناكه‌فنه وه‌ر قه‌يه‌غه‌ى هاتوچوو پابه‌ندى ته‌واويگ وه جموجويل بكه‌ن له‌وه‌خت جوه‌يكردن كاره‌يليان دويره‌و بكه‌فن له ئستغلالكردن قه‌يه‌غه‌گه ئه‌را ئه‌نجامداين كاره‌يليگ ك ناكه‌فێده وه‌ر ئه‌و نه‌كه‌فتنه‌وه‌ر قه‌يه‌غه، ئه‌ويش وه بوونه‌ى زيايبوين شماره‌ى تويشبوين وه ڤايرۆسه‌گه له‌ى رووژه‌يل دوياخره و هوشيار بوون له شكانن قه‌يه‌غه‌ى هاتوچوو له بڕيگ له ناوچه‌يل مللى و هاوكارى ته‌واويك بكه‌ن وه‌ل ده‌زگايه‌يل ئه‌منى.
