دوياى ناكوكيه‌يل وه‌رده‌واميگ.. ريككه‌فتن تازه‌يگ له‌ناونى نه‌جه‌ف و "كڵاو كه‌وه‌يل"
2020-02-04 06:29:06
شه‌فه‌ق نيوز/ لوئه‌ى ياسرى پاريزگار نه‌جه‌ف، ئاشكراى ريككه‌فتنيگ كرد وه‌ل سه‌ركرده‌يل ره‌و سه‌درى وه سه‌رۆكايه‌تى موقته‌دا سه‌در له‌بان خوه‌يكيشانه‌وه‌ى لايه‌نگره‌يل ره‌وته‌گه ك ناسريانه وه‌ناو كڵاو كه‌وه‌يل له جاده‌يل پاريزگاگه.
ياسرى له به‌ياننامه‌يگ وت: ريككه‌فتن وه‌ل سه‌ركرده‌يل ره‌وت سه‌درى كرياگه له‌بان خوه‌يكيشانه‌وه‌ى خاوه‌ن كڵاو كه‌وه‌يل له جاده‌يل شاره‌گه.
جى باسه، يه‌يش له‌وه‌ختيگه سه‌در رووژ يه‌كشه‌ممه فه‌رمان دا لايه‌نگره‌يل خاوه‌ن كڵاو كه‌وه‌يل كار وه‌ل هيزه‌يل ئه‌منى بكه‌ن له‌باره‌ى كردنه‌وه‌ى رێ و ده‌زگايه‌يل داخرياێ له‌لايه‌ن خوه‌ينيشانده‌ره‌يله‌و.
