دوياى نه‌جه‌ف.. واست له كۆرۆنا به‌تاڵ بوێ
2020-05-12 10:02:18
شه‌فه‌ق نيوز/ سه‌رچه‌وه‌يگ وه‌رپرس پزيشكى، ئاشكراى ئه‌وه كرد پاريزگاى واست له ڤايرۆس كۆرۆنا به‌تاڵ بويه، ئه‌ويش دوياى خاسه‌وبوين دويايين تويشبوێ وه شيوه‌يگ ته‌واوه‌تى.
له‌ى باوه‌ته‌و سه‌رچه‌وه‌گه ئاگادار شه‌فه‌ق نيوز كرد ك وشكاننه‌يل تاقيگايى ك له‌لايه‌ن ده‌زگاى ته‌ندروستى واسته‌و ئه‌را ژنيگ تويشبوێ وه كۆرۆنا ئه‌نجامم درياگه، ده‌ركه‌فتگه ك وه ته‌واوى له په‌تاگه خاسه‌و بويه.
سه‌رچه‌وه‌گه هه‌ميش وت: ئه‌و ژنه دويايين تويشهاتگ بويه وه ڤايرۆس كۆرۆناو وه ئه‌وه‌يش پاريزگاگه به‌تاڵ بويه له ڤايرۆسه‌گه.
