دوياى په‌لامار توركى.. ئۆرپا هه‌وڵ جيوازكردن زيندانيه‌يل داعش ئه‌را عراق ئه‌ياد
شه‌فه‌ق نيوز/ وڵاته‌يل ئۆرپى هه‌وڵ ئه‌وه ئه‌يه‌ن هه‌ڵه‌په‌ڵه بكه‌ن له جيوه‌جيكردن پلانيگ ئه‌را ده‌ركردن هه‌زاران كه‌س له تونڕه‌وه‌يل ريكخرياگ تيرۆريستى داعش وه‌تايبه‌ت بيگانه‌يل له كه‌مپه‌يل سورياو جيوازكردنيان ئه‌را عراق دوياى ئه‌وه‌گ په‌لامار تازه‌ى توركيا رێ له واين و گله‌وخواردنيان گرتگه ئه‌را وڵاته‌يليان.
يه‌يش له‌وه‌ختيگه په‌نج تونڕه‌و داعشى له سوريا نوێنه‌رايه‌تى ئۆرپيه‌يل ئه‌كه‌ن ك نزيكه‌ى 10 هه‌زار ده‌سوه‌سه‌ركرياگن له زيندانه‌يل سه‌ر وه هيزه‌يل سورياى ديموكرات وه سه‌رۆكايه‌تى كورده‌يل ك ئيسه تويش په‌لاماره‌يل سه‌ختيگ هاتنه له‌لايه‌ن هيزه‌يل توركياوه.
جى باسه، وه‌رجه ده‌سوه‌پيكردن په‌لاماره‌يل توركيايش له سوريا، وڵاته‌يل ئۆرپى هوير له‌وه كرديان چوين بڕه‌سنه ميكانيزميگ ك بتويه‌نن ئه‌و تونڕه‌وه‌يل داعشيه له سورياوه جيواز بكه‌ن ئه‌را عراق له‌وه‌ر ئه‌وه‌گ له‌ورا دادگايى بكريه‌ن وه تومه‌ته‌يل تاوان جه‌نگ.
