دياله له‌وه‌ر كردنه‌وه‌ى ده‌روازه‌يل وه‌ل ئيران چه‌وه‌رێ بريار به‌غدا ئه‌كا
شه‌فه‌ق نيوز پاريزگاى دياله ئاشكراى ئه‌وه كرد كردنه‌وه‌ى ده‌روازه‌يل مه‌رزێ وه‌ل ئيران مه‌سه‌له‌يگ تايبه‌ت وه حكومه‌ت ناوه‌نديه له به‌غدا.
له‌ى باوه‌ته‌و، مازن ئه‌كره‌م وه‌ڕيه‌وبه‌ر ناحيه‌ى مه‌نه‌لى وه وه‌كاله‌ت ئه‌را شه‌فه‌ق نيوز وت: ده‌روازه‌ى مه‌نه‌لى(سۆمار) ك 100 كم ديوره له خوه‌رهه‌ڵات باقووبه له مانگ ئادار گوزه‌يشته‌و وه ته‌واوى به‌سياگه وه بوونه‌ى قه‌يران ڤايرۆس كۆرۆنا و هويچ جموجويليگ بازرگانى له‌ليه‌و نيه وه‌گووره‌ى بڕيار شانه‌ى قه‌يران ناوه‌ندى و وه هه‌ماهه‌نگى وه‌ل حكومه‌ت دياله.
جى باسه، ئه‌كره‌م يه‌يش ده‌رخست ك كردنه‌وه‌ى ده‌روازه‌گه په‌يوه‌سه وه بڕيار شانه‌ى قه‌يران و حكومه‌ت ناوه‌ندى و هويچ ياساشكاننيگ له ده‌روازه‌گه‌يش نيه‌و ئوميده‌واريم بكريه‌ێده‌وه‌و جموجويل بازرگانى له‌ناونى دياله‌و ئيران له‌ليه‌و دوباره بايده‌و له‌وه‌ر به‌رژه‌وه‌ندى مه‌عيشه‌ت پاريزگاى دياله‌و پاريزگايه‌يل تر وه‌شيوه‌يگ گشتى.
