دیاله 193 ناوه‌ند تاقیكردنه‌وه ئه‌ڕا خوه‌ندكاره‌یل ناوه‌ندی ئاماده ئه‌كا
2015-06-01 13:59:35
سه‌روك لوجنه‌ێ په‌روه‌رده له ئه‌نجومه‌ن پارێزگای دیاله ئه‌حمه‌د ئه‌لروبیعی وه‌شه‌فه‌ق نیوز وتگه : ده‌زگا ئه‌منیه‌گان و په‌روه‌رده‌ێ پارێزگاگه ، پلان ته‌ئمین كردن و پاراستن ناوه‌نده‌گان تاقیكردنه‌وه ك 193 ناوه‌ندن ته‌واو بوێه ، باس ئه‌وه‌یش كردگه ك ژماره‌ێ خوه‌ندكاره‌یل ئه‌را ئه‌نجامداین تاقیكردنه‌وه‌گان نزیكه‌ێ 19665 خوه‌ندكار دوێه‌ت و كوڕه.
ڕوبێعی باس ئه‌وه‌یش كردگه ك پلانه‌گه له چه‌ن ته‌وه‌ر پێك هاتگه ئه‌ڕا چاره‌سه‌ر كردن كیشه و ته‌گه‌ره‌گان ڕێ تاقیكردنه‌وه‌گان. و ئاماژه وه‌یه‌یش كردگه پلانه‌گه ئه‌نجامه‌یل خاسێگ وه‌دی ئه‌یه‌رێً ، چوێن له گوزه‌یشته تاقی كریاگه‌سه‌و.
ته‌ئكیدیش كردگه ك په‌یجوری پلانه‌گه له لاێه‌ن پروسه‌ێ هاوبه‌ش له لاێه‌نه وه‌رپرسه‌گان ئه‌كریه‌ێ تا كه‌شێگ ئارام ئه‌ڕا خوه‌ندكاره‌یل فه‌راهه‌م بكریه‌ێ.
ده‌زگا ئاسایشیه‌گان تایبه‌ت سه‌رقاڵ جیوه‌جی كردن پلانێگ تایبه‌تن وه‌هاوكاری وه‌ل لایه‌نه په‌یوه‌ندیداره‌گان تایبه‌ت وه‌پاراستن ناوه‌نده‌یل تاقیكردنه‌وه له كرده‌وه‌یل تروریستی و زامن كردن ڕه‌سین خوه‌ندكاره‌یل ئه‌ڕا ناوه‌نده‌یل تاقیكردنه‌وه.
ج ك
