شەفەق نیوز/ دەسەی باڵای تەندروسی وسەڵامەتی نیشتمانی ئمڕو دوشەممە ئاشکەرای دەسپیچگەیل ک هیشتن بڕیار هەڵگردن قەیەغەی بەشی لە هاتوچو بییریەی، لەبان هوشدارەیل ریکخراو تەندروسی جیهانیش.

جاسم ئەلفەلاحی ئەندام دەسەگه ووەکیل وزارەت تەندروسی ئەرا شەفەق نیوز وت ک دەسەی باڵای تەندروسی وسەڵامەتی بڕی بڕیار دا لەبان کەم کردن بەشی لە

قەیەغەی هاتوچو تا مەردمەیل دەرچن ئەرا جیوەجی کردن پەیوستیەیل گرنگیان وسەنین داواگانیان لە بازاڕ لە مانگ رەمەزان.

وتیش ئی بەشه قەیەغه وەگورەی بڕیار لە ساعەت 7 ئیوارە دەس وەپی کەێد، وئەوەسە کار کەیمن ئەرا سزادان ئەوانەگ قەیەغه شکنن وەگورەی یاسا.
وفەلاحی داوا کرد لە هاوڵاتیەیل پاوەند بوون وە رینمایەیل دەسەی باڵا ووزارەت تەندروسی وبەشە هەڵگردن قەیەغەگه نەخەنه پەی بەرژەوەنی کەسایەتی وزوریان بخنه

بان چشتەیل گرنگ تا تویش وە ڤایرۆس کۆرۆنا نەون.
ودەسەی باڵای تەندروسی وسەڵامەتی نیشتمانی لە عیراق دویەکە یەکشەممە، بڕیار هەڵگردن قەیەغەی هاتوچو لە مانگ رەمەزان لە ساعەت شەش شەوەکیان تا هەفت

ئیواران داد، وغەرامەی 50 هەزار لە بان ئەوانەگ دەمامک وەکار نیارن.
ودیوکە یەکشەممە وەزارەت تەندروسی عیراق هوشدار کرد لە بەرزبوین خێرایگ لە شمارەی تویشهاتیەیل ڤایرۆس کۆڕۆنا، وەهوی شکانن قەیەغەی هاتوچو ک هیشت

ڕیەیل پڕ بوون لە ماشین و ماتور وبڕی لە دوکانەیل بازرگانی ومۆل بکریەنەو.
وزارەتەگەیش ئاماژە کرد وە هشداێیەگان ریکخراو تەندروسی جیهانی دوبارە کریاگ وە مەترسی لە کەم کردن کاروبار تەندروسی ک کریاگه ئەرا کونترۆڵ کردن پەتاگە وەرجە تەئکید کردن لە تەواو کونترۆڵ لە بان بەڵاوبوینی.