راسيه‌يل ناكووكى ناونى كازمى و هيزه‌يل شيعه چه‌س؟.. دو فراكسيۆن جواويه‌و ئه‌يه‌ن
شه‌فه‌ق نيوز/ هاوپه‌يمانى فه‌تح وه سه‌رۆكايه‌تى هادى عامرى، راسيه‌يل وجوود ناكووكى له‌ناونى مسته‌فا كازمى سه‌رۆك وه‌زيره‌يل راسپارياێ و هيزه‌يل سياسى شيعه له‌بان كانديد كابينه‌يل وه‌زارى باسكرد.
له‌ى باوه‌ته‌و، سعه‌د سه‌عدى سه‌ركرده له هاوپه‌يمانيه‌گه ئه‌را شه‌فه‌ق نيوز، وت: هويچ ناكووكييگ له‌ناونى هيزه‌يل سياسى شيعه‌و كازمى نيه له‌بان كانديده‌يل كابينه وه‌زاريه‌گه ك له‌به‌ش پيكهاته‌ى شيعه‌س و يه‌يش ده‌رخست ك قسه له‌بان ناكووكى شيعه وه‌ل كازمى و نه‌رمى نواندن ئه‌را هيزه‌يل سنى و كورد ته‌نيا قسه‌سه‌و تائيسه دويره له‌ڕاسى.
له‌لايگ تره‌و ره‌وت حيكمه وه سه‌رۆكايه‌تى عه‌مار حه‌كيم ئه‌وه خسته دروو ك پاشگه‌ز بوێده‌و له پشتگيريكردن كازمى.
له‌ى باوه‌تيشه‌و، نه‌وفه‌ل ئه‌بو ره‌غيف ئه‌ندام نويسينگه‌ى سياسى ره‌وته‌گه له به‌ياننامه‌يگ وت: ره‌وت حكمه جه‌خت له هه‌ڵويست پشتگيرى خوه‌ى له‌ى حكومه‌ت ئه‌كاو لايه‌نگريه‌و گشت ئازادييگ وه كازمى درياگه ئه‌را كانديدكردن وه‌زيره‌يلى و ئيمه‌يش يه هه‌ڵويستمانه‌و گشت قسه‌يليگ ده‌مهه‌ڵوه‌س ره‌ته‌و ئه‌كه‌يم ك باس له ناكوكى ئه‌كه‌ن له‌ى باوه‌ته‌و.
