شه‌فه‌ق نيوز/ بانك رافده‌ين ئاشكراى قه‌بولكردن كه‌فاله‌ى كارمه‌نده‌يل هه‌ردوگ وه‌زاره‌ت وه‌رگرى و ناوخوه‌يى كرد له‌وانه‌گ ماسته‌ر كارد ديرن وه‌خاتر وه‌رگرتن قه‌زر ئه‌را سه‌ياره‌.

له‌ى باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ ئه‌را ئاژانس شه‌فه‌ق نيوز وت: له‌وه‌ر ئاسنكارى رێ وشوونه‌يل وه‌پيداين قه‌رز سه‌ياره‌، بانكه‌گه‌ بڕيار داگه‌ كه‌فاله‌ى كارمه‌نده‌يل وه‌رگرى و ناوخوه‌يى قه‌بول بكا ئه‌را ئه‌وانه‌گ ماسته‌ر كارد ديرن و له‌لايه‌ن بانكه‌گه‌وه‌ ده‌رچيه‌.

جى باسه‌، به‌ياننامه‌گه‌ يه‌يش ده‌رخست ك ئه‌و كه‌فاله‌ته‌ وه‌ جووريگ قه‌بول ئه‌كريه‌ێد هه‌ردوگ قه‌رزبه‌ر و كه‌فيله‌گه‌ له‌ يه‌ك پاريزگا بوون.