رافده‌ين ميكانيزم وه‌رگرتن قه‌رزه 25 مليۆنيه‌گه‌ى ئه‌را كارمه‌نده‌يل ديارى كرد
شه‌فه‌ق نيوز/ بانك رافده‌ين ئه‌وه ده‌رخست ك كارمه‌نده‌يل ئه‌تويه‌نن سوود له سلفه‌ى 25 مليۆن دينارى وه‌ربگرن له‌ڕێ كلكردن زانياريه‌يل تايبه‌ت وه كارمه‌نده‌گه له‌لايه‌ن ده‌زگاى به‌يانه‌يل تاييه‌ت ئه‌را ئداره‌ى گشتى بانكه‌گه.
له‌ى باوه‌ته‌و، نويسينگه‌رى ره‌سانن بانكه‌گه له به‌ياننامه‌يگ ئه‌را ئاژانس شه‌فه‌ق نيوز وت: ئداره‌ى بانكه‌گه رينمايى و بڕياره‌يليگ داگه ئه‌را ئه‌و كارمه‌نده‌يله ك هه‌وڵ وه‌گرتن سلفه‌ى 25 مليۆن دينارى ئه‌يه‌ن و داوا له ژمێريارى ده‌زگايه‌يل كردگه زانياريه‌يل تايبه‌ت وه كارمه‌نده‌يليان ره‌وانه‌ى بانكه‌گه بكه‌ن تا رێ وشوون خواست و دروس بگرێده‌وه‌ر له قه‌بولكردنى ئه‌را وه‌رگرتن سلفه وه‌بى هويچ گرفتيگ.
به‌ياننامه‌گه ئاماژه وه‌يه‌يش كرد كارمه‌نده‌يل فريه‌يگ داواى وه‌رگرتن ئى سلفه كردنه له‌رێ سه‌رچه‌وه‌يل تر، وه‌لێ جواو داواكاريه‌يليان نه‌درياسه‌وه‌و ته‌نيا رييگ ئه‌را جواودانه‌وه گله‌وخواردنه ئه‌را حسابات ده‌زگاى كارمه‌نده‌گه له‌وه‌ر كلكردن به‌يانه‌يلى ئه‌را بانكه‌گه.
