راپۆرتيگ بريتانى: خوه‌ينيشانداينه‌يل له عراق فراوانى فريه‌يگ وه‌رگرت
شه‌فه‌ق نيوز/ رووژنامه‌ى ده‌يلى ته‌ليگراف راپۆرتيگ ساره ويليامز په‌يامنێره‌گه‌ى له عه‌مان پايته‌خت ئوردن بڵاو كرد و له‌تى باس له خوه‌ينيشانداينه‌يل عراق كردگه ك ده‌يان كه‌س له‌تى كوشيانه له‌ماوه‌ى ئى هه‌فته‌يل دوياخره.
رووژنامه‌گه وت: پۆليس وه گوله و وه‌هيز تايبه‌ت كوشنده له به‌غداى پايته‌خت و له ناسريه ك چواره‌مين گه‌وراترين پاريزگايه‌يل عراقييه روێ وه‌ڕوێ خوه‌ينيشانده‌ره‌يل بويه‌سه‌وه‌و ته‌قه له‌و خوه‌ينيشانده‌ره‌يله كردنه ك ريه‌يل وه‌ره‌و به‌نده‌ر ئوم قه‌سر بڕينه له باشوور وڵاته‌گه‌و ته‌نيا ده‌روازه له كه‌نداو ك داهاته‌يل پزيشكى و خوه‌راكى له‌ليه‌و ئه‌ڕه‌سێد و ده‌روازه‌يگه ئه‌را هه‌نارده‌كردن نه‌فت وڵاته‌گه.
ويليامز ئويشێد: خوه‌ينيشانداينه‌يل ك له مانگ گوزه‌يشته‌و ده‌س وه‌پيكردگه، فراوانى فريه‌يگ وه‌رگرتگه و به‌ش فريه‌يگ له عراقيه‌يل به‌شدارى له‌ى خوه‌ينيشانداينه‌يله ئه‌كه‌ن و گشتيانيش داواكاريه‌يليان يه‌كيگه وه‌تايبه‌ت له‌باره‌ى مه‌سه‌له‌ى بيكارى و له‌ناوبردن گه‌نده‌ڵى.
