شه‌فه‌ق نيوز/ ره‌غه‌د سه‌دام حسێن دويه‌ت سه‌رۆك وه‌رين عراقى, داوا له‌و عراقيه‌يله‌ كرد ك وجوود ديرن له‌ ئوردن ده‌سميه‌ت ئه‌و وڵاته‌ بيه‌ن له‌وه‌ر ئه‌وه‌گ وه‌ بارودوخ سه‌خت ئابوورييگ گوزه‌ر ئه‌كا وه‌بوونه‌ى بڵاوبوينه‌وه‌ى ڤايرۆس كۆرۆنا.

ره‌غه‌د له‌ به‌ياننامه‌يگ وت: ئمڕوو ئوردنيه‌يل وه‌ بارودوخ سه‌ختيگ گوزه‌ر ئه‌كه‌ن و هه‌ميشه‌ له‌ عراقيه‌يل ژنه‌فتيام له‌وانه‌گ له‌ى وڵاته‌ ژيه‌ن وتيان وڵاته‌گه‌ وڵاتمانه‌و هه‌ميشه‌ يه‌كيگيم وه‌ل برايه‌يل ئوردنيمان، ئمڕوويش ئه‌و رووژه‌سه‌ ك وه‌ليانا بووسيه‌يم و ده‌سميه‌تيان بيه‌يم.

جى باسه‌، ره‌غه‌د هه‌ميش وت: ئمڕوو ئوردن وه‌ بارودوخ دارايى سه‌ختيگ گوزه‌ر ئه‌كا وه‌ بوونه‌ى بڵاوبوينه‌وه‌ى ڤايرۆس كۆرۆناى تازه‌ و داوا له‌ عراقيه‌يل كه‌سوكارم له‌ ئوردن ئه‌كه‌م ئه‌وه‌گ توانا ديرێد وه‌گووره‌ى تواناى خوه‌ى ده‌سميه‌ت وڵاته‌گه‌ بيه‌ێد.