سائيرون هه‌ڵويست خوه‌ى له‌باره‌ى متمانه‌داين وه حكومه‌ت زورفى ئاشكرا كرد
شه‌فه‌ق نيوز/ فراكسيۆن سائيرون ك له‌لايه‌ن موقته‌دا سه‌در سه‌ركرده‌ى ره‌وت سه‌درى پشتگيرى ئه‌كريه‌ێد، ئاماده‌گى خوه‌ى ده‌رخست ئه‌را جيوه‌جيكردن حكومه‌ت عه‌دنان زورفى سه‌رۆك وه‌زيره‌يل راسپارياى له حاڵه‌تيگ ئه‌گه‌ر جواو مه‌رجه‌يلێ بيه‌ێده‌و.
رياز مه‌سعودى ئه‌ندام له‌بان فراكسيۆن سائيرون له لێدوانيگ تايبه‌ت ئه‌را شه‌فه‌ق نيوز وت: هه‌ڵويست ئئتلاف سائيرون جيگيره وه‌ل خاڵه‌يل سه‌ره‌كى وه‌رانوه‌ر وه‌پيدان متمانه وه حكومه‌ت عه‌دنان زروفى سه‌رۆك وه‌زيره‌يل راسپارياى و باس له‌وه‌يش كرد گرنگترين خاڵه‌يل ئه‌وه‌سه كابينه وه‌زاريه‌گه ك زورفى پيشكه‌شى ئه‌كاده په‌رله‌مان له كه‌سه‌يل سه‌روه‌خوه‌ى بدێ.
جى باسه، مه‌سعودى هه‌ميش وت: خاڵ بنه‌ڕه‌تى دويه‌م ئه‌وه‌سه زورفى قه‌وڵ بيه‌ێد له‌بان جيوه‌جيكردن ئه‌و دوسيه‌يله ك خسته‌سه‌ى روێ له كارنامه وه‌زاريه‌گه‌ى له‌وه‌خ وه‌رگرتن پۆست سه‌رۆكايه‌تى حكومه‌ت ئاينده.
