سه‌رۆك هووز و برارزايگێ له نزيك موسڵ له په‌لاماريگ داعش كوشيان
2019-07-24 08:42:46
شه‌فه‌ق نيوز/ سه‌رچه‌وه‌يگ وه‌رپرس ئه‌منى، ئه‌وه ده‌رخست ك سه‌رۆك هووزيگ و برارزايگى كوشيانه‌و كه‌سيگيش زه‌خمدار بويه له په‌لاماريگ ك له‌لايه‌ن ريكخرياگ تيرۆريستى داعشه‌و ئه‌رنجان درياگه له نزيك ئاواييگ له باشوور خوه‌رئاواى موسڵ.
له‌و باوه‌ته‌و، سه‌رچه‌وه‌يگ ئه‌را شه‌فه‌ق نيوز وت: دويه‌شه‌و ديره وه‌ختيك چه‌كداره‌يليگ له ريكخرياگ تيرۆريستى داعش په‌لامار ئاوايى ئزوێريج دانه له باشوور خوه‌رئاواى موسڵ و روێ وه‌ڕوێ بوينه‌وه وه‌ل مه‌ردم هووز "ساده ئه‌لبوبه‌دران" له‌لێ كه‌فته‌سه‌و.
جى باسه، سه‌رچه‌وه‌گه هه‌ميش وت: له‌و په‌لاماره سه‌رۆك هووزيگ وه‌ناو عه‌لى خه‌زعه‌ل ئه‌لبه‌درانى و برارزايگى وه‌ناو ئه‌رشه‌د ئه‌لبه‌درانى كوشيانه‌و كه‌سيگ تريش زه‌خمدار بويه.
