شەفەق نیوز/ فراکسیۆن کۆمەڵ ئیسلامی لە پەڕلەمان عراق، ئمڕوو سێشەممە، دیارکرد ک گیچەڵ لەبان سی وزارەت، ناوبەین سەرۆک وەزیر راسپێردراگ وهێزەیل سیاسی بیەسە هۆی وەدویاکەفتن باوەڕداین وە حوکمەت كامی.

ئەحمەد حەمە رەشید سەرکردە لە فراکسیۆن كومه‌ڵ ئسلامی له‌ په‌رله‌مان عراق ، ئەرا شەفەق نیوز وت: تا ئیسە موستەفا کازمی خوازێد ک پێشنیارکریایل سی وزارەتە سیادییلە ( ناوخۆ، بەرگری، دارایی) لە کەسایەتی سیاسی نەون، وە سیاسییش لە پشتیان نەون. رەشید هه‌میش وتیش؛ کازمی خوازێد خوەی ئەو کەسەیل توکنوقڕات لە پێکهاتەیل شیعەو سونەو کورد بنەێد.