شەفەق نیوز/ بەرهەم ساڵح سەرۆک کۆمار عراق، دووپاتکرد لەبان گرنگی هاوكاری ئەرا رەسین وە چارەسەریەل ریشەیی لە باوەتە گیرهاتگەیل ناوبوەین هەرێم کوردستان و حکومەت فیدڕاڵی، لە بان بنەمای دەستوور و یاسا.
ساڵح ئمڕوو چوارشەممە، لە کۆشک سه‌رۆكۆماری، لە وه‌خت پێشوازیکردن شاند حکومەت هەرێم کوردستان، وە سەرپەرستی قوباد تاڵەبانی جیگر سەرۆک حکومەت هەرێم، دیاریکرد؛ ک چارەسەریەگان لە ری رەسینەوەی راسی تیەێد و ئارازو هاوبەشانە ئەرا ئەنجامداین بەرژەوەنی نیشتمانی، وەجەختکردە بان گرنگی یەکلاوەکردن باوەتە داراییەگان وە ئاشکرایی، وەوجوورەگ مقەیەتی ماف گشت عراقیەگان بکەێد، ودابین مووچەو شایستەیل فەرمانبەریەیل بکەێد.
لە چەووەپیکەفتنەگە، باس گەشەی رەوشە سیاسی و ئابووریەگە کریا، و هەماهەنگکردن هه‌وڵه‌یل ئەرا نواگردن چەتەیل داعش ، بیجگە باسکردن کاریگەری بڵاوبوین پەتای کۆڕۆنا، و هاوکاری ناوبەین حکومەت فیدڕاڵی و هەرێمەگە لەی تەوەرە.